Taleyim əvvəldən düz gətirməyib,
Bir qəmli nağıldı mənim həyatım.
Fələyin əlindən qaça bilmədim,
Talandı,dağıldı mənim həyatım.

Əlimdən aldılar ömrümün yazın,
Hər yetən sındırdı könlümün sazın,
Ona yanıram ki,bir vicdansızın
Əlində boğuldu mənim həyatım.

Sücaətəm,dərdim bolhabol oldu,
Arzularım bir-bir yandı,kül oldu.
Dönə-dönə xırdalandı,pul oldu,
Ciblərə yığıldı mənim həyatım.