Sənsiz ötüb keçdi ömrümdən bu il..
Nə qədər olar bu, hərgün öl, diril..
Axan göz yaşımı yerlərə deyil..
Yanan ürəyimə çilərdim gərək..
Adını qəlbimdən silərdim gərək...

Sevgi dəryasında endim dərinə..
Könlümü vermişəm nadan birinə..
Tanrıdan bu qədər sevgi yerinə..
Bir azca sədaqət dilərdim gərək..
Adını qəlbimdən silərdim gərək...

De, hansı dərdimi söyləsin bu dil..
Ilahi bu eşqi sətir-sətir sil..
Sənin ürəyini sevgimlə deyil..
Kövrək buludlarla bələrdim gərək..
Adını qəlbimdən silərdim gərək...