Müəllif: Həsən Kür
~~~
" Baş sağlıqı"
~~~
Boylan bir arxaya, bax mən tərəfə
Bax, uçuq, dağınıq yad həyatıma.
Çox fikirləşmişəm, amma hər dəfə
Verə bilməmişəm, ad həyatıma.
~~~
Aylardır gülüşüm axtarmır məni
O, çünki keçinib, o vəfat edib
Mən itirməmişəm sadəcə səni
Hər şeyim əl-ələ səninlə gedib.
~~~
Gözünün, qaşının gözəlliyindən,
Əlinin ətrindən doya bilmədim.
Bir çoxu qapımı döydü, ancaq mən
Yerinə heç kimi qoya bilmədim.
~~~
Mən qəlbi yaralı, yataq xəstəsi
Səndədir dərmanım, sənsən əlacım
Gözlərim görməyir özgə bir kəsi
De- kimə yalvarım? Kimə əl açım?
~~~
İndi nə sən varsan, nədə mən varam
Sanki mən ölmüşəm ümüdlərim tək
Bəlkə də, hər şeyə tək səbəbkaram
Yəqin çox böyükmüş bu arzu istək.
~~~
Səni düşündürür və xatırladır
Soyuq otaqımda gördüyüm hər yer
Əcəlim az qalıb, gəlir yoldadır
Barı bir yaxın gəl, baş sağlıqı ver