Rəməzan oldu yenə, rəhməti - Sübhan
gəldi,
Açmağa ümmət üçün süfreyi - ehsan gəldi.
Et sədaqətlə əməl verdigi hər göstərişə,
Nəfsi bimar olana etməgə dərman gəldi.
Sizdən əvvəlkilərə oldu necə vacib oruc,
Sizə də oldu bu fərz, ayətü fərman gəldi.
Qoudu dünyayə qədəm on bir ayın sultanı,
Ta ki, pak eyləyə öz ruhunu insan,gəldi.
Açdı rəhmət qapısın Həq bu mübarək ayda,
Həq yolun bəndəyə göstərməgə Qur'an gəldi.
Eylə təslim ona, cəhd et, bədən ə'zalərini,
Layiqincə qıl əda həqqini, hər an, gəldi.
Binəsib eyləməsin Həq bizi feyzindən Onun,
Gedəcək, Əmri, bilək qədrini, mehman gəldi.
Müəllif : Ağasəlim Əmri Binəli.