Qəsidə
Gündüz kim əgər yandıra manqal,
Rəməzanda,
Yandırmış əziz canına
tonqal,Rəməzanda.
Kef məclisi bu ayda düzəltdirmək
həramdır,
Qonşunda oruc var, nəzərə al,
Rəməzanda.
Öz nəfsini insan tanısa, hər nəyə
uymaz,
Atmaz özünü odlara dərhal,
Rəməzanda.
Boğ nəfsini, bir ay bu yeməklərdən
uzaq dur,
Allah bəyənən bəndə olub qal,
Rəməzanda.
Xaliq deyəni eyləsək, etmiş olarıq
biz,
Şeytanə bu dünyanı darısqal,
Rəməzanda.
Allahə güvən, sən də bu günlərdə
oruc tut,
Gəl etmə bu xoş, anları
paymal,Rəməzanda.
Yandırsa susuzluq ciyərin
mö’minin hərgah,
Sındırmaz öz əhdin, dözər ehmal
Rəməzanda.
Döz axşamacan səbr elə, Allahı
unutma,
İftarda olar duz-çörəyin bal,
Rəməzanda.
Aclıqla bilərsən, ac olanlar nə
çəkirlər,
Onda inanarsan nədir ə’mal,
Rəməzanda.
Şam süfrəsinin başına yoxsulları
yığsan,
Xeyrüləməlinlə gülər amal,
Rəməzanda.
Allahə təvəkkül edib iman
gətirənlər,
Qoymaz günahından qala misqal,
Rəməzanda.
Qeybət eləmə salma nifaq, küfr
danışma,
Kor-kar olaraq pis demə ol lal
Rəməzanda.
Şeytandan uzaq dur, ona aldanma
heyifsən,
Çox istər o etsin səni bihal,
Rəməzanda.
Dünyadə olan cahi-cəlal eşqinə
yanma,
Yoxdursa əməl, heçnədir iqbal,
Rəməzanda.
Etməzsən əgər tövbə, silinməz
daha heç vaxt,
Yer eyləsə qəlbində qara xal,
Rəməzanda.
Parlaq bu əziz günləri zülmətdə
keçirtmə,
Nəfsinlə cihad eylə, zəfər çal,
Rəməzanda.
Kim tutsa bu ay Tanrı ipin səbri
tükənməz,
Allah verər insanə xoşəhval,
Rəməzanda.
Tez-tez Onu zikr eylə, bu dünyadən
uzaqlaş,
Məhşər günün hər an yadına sal
Rəməzanda.
Yusif, oyaq ol, sən də mübarək
gecələrdə,
Allahə münacat elə elm al
Rəməzanda.