_________SONRA_________

Bu nə qaş-qabağdı,bu nə hüzundu?
Sənə nəsə olub dünən dən sora
Sevgidən uzağ ol demişdim sənə.
Aşiq olduğunu bilənnən sora

Sevginin əzabdan yaranıb adı.
Bir kimsə sevgidən xeyir tapmadı.
Məcnun səhralara əsir olmadı?
Leylinin eşqinə düşənnən sora?

Sevginin önündə əgər əyilsən.
Məğlub olacaqsan yaxşı bilirsən.
Əvvəl ki mehriban insan deyilsən.
O səni tərk edib gedənnən sora

Gözlərin dolubdu qəhərlənmisən.
Bilirəm nə üçün kədərlənmisən.
Qardaşım ölümcül zəhərlənmisən.
Sevgi şərbətini içənnən sora.

Mən əsl sevgini duyuram daha.
Bu duyğu hər şeydən bahadır baha.
Hər şeyi həvalə etsən Allaha.
Üzün güləcəkdir o günnən sora.

Mən sənə dediyim günə gələrsən.
O zaman sən məni başa düşərsən.
Bir qızı bilirsən nə vaxt sevərsən?
Anana o Ana deyənnən sora.

Bunu tələb edir indi zəmanə.
Gəl mənim sözümə olma biganə.
Hələ olacaqsan dəli divanə,
O sənə bir körpə verənnən sora

Birinci hörmətlə qur munasibət.
İnan ki çəkməzsən onda əziyyət.
Səndə biləcəksən budur həqiqət.
Dediyim o zaman gələnnən sora.

Ağılnan,şüurnan,fikirləş biraz.
Qardaşım fikrimə etmə etiraz.
Mənim dediyimi yaddaşına yaz.
Bir cavab alaram mən sənnən sora.