Hayana qaçsam da zavallı ürək
Xənçər kipriklərin hədəfindədi
Dil tökmək vaxtımı dayan bir görək
O ki, qan tökmək həvəsindədi.

Yetər naz-qəmzəylə, gözlə ovlamaq
Dalğın baxışlarla sinə daglamaq
Qorxuram dözməyəm tuta ağlamaq
Ömrüm ən pərişan vədəsindədi.

Qoy dilsiz baxışım ona andırsın
Axır mətləbini mənə qandırsın
İstər ovundursun istər yandırsın
Könlüm girov kimi öhdəsindədi…