Tut əlimdən gedək gülüm
Sən hayana, mən də ora.
Qoyma, gəlib çatsın ölüm
Apar məni uzaqlara,
Qopar məni qəm-kədərdən.


Xəbər etmə, gəl gizlicə
Çıxaq gedək biz sadəcə.
Bitməz olub burda gecə.
Xəbər yoxdu al səhərdən.
Apar məni uzaqlara,
Qopar məni qəm-kədərdən.


Biz özümüz üçün, varıq.
Yaşamayaq qəlbi qırıq,
Bitsin daha bu ayrılıq.
Çıxaq gedək bu şəhərdən,
Apar məni uzaqlara.
Qopar məni qəm-kədərdən


Xoşbəxt olaq biz ikimiz.
Dastan olsun qoy sevgimiz.
Xoşbəxtliyin dadını biz,
Soruşmayaq bextəvərdən.
Apar məni uzaqlara.
Qopar meni qəm-kədərdən.


Xoşbəxt olaq uşaq kimi,
Heç sönməyək çıraq kimi.
Lap istəsən qonaq kimi
Qayıdarıq bura hərdən.
Apar məni uzaqlara,
Qopar məni qəm-kədərdən.