Sənə aşiq oldum, coşub-çağladım,
Eşqimi qəlbimdə gizli saxladım,
Sənə ürək verdim, ümid bağladım,
Nə biləydim bir gün çıxıb gedərsən.

Əyləşdim sevməklə "DƏRD" adlı taxta,
Lənət olsun səni sevdiyim vaxta.
Məhəbbətin saxta, sözlərin saxta,
Vəfasızsan, vəfasızdan betərsən.

Sevdim, zəhər içdim adi su kimi,
Əzab çəkmədim mən heç vaxt bu kimi,
Səni istədim mən bir arzu kimi,
Puç olmuş arzular kimi hədərsən.

Gətirdin bu yaşda saçıma dəni,
Əfv edə bilmərəm heç zaman səni.
Qayıdıb demə ki, "Bağışla məni...",
Sınmış qəlbi necə bərpa edərsən...?

*Təşəkkür edirəm, oxuyan gözlərinız var olsun..!*