Tanrım, qoru sən bizləri, hifz eylə günahdan..!
Ayrı salma heç bir kəsi nemətli sabahdan..!

Yalnız sənə mən sığındım və güvəndim, Allah,
Dərd gəlsə də, qəm gəlsə də hər səmti-cinahdan...

Nəfs ilə tamah bizlərə düşməndir əzəldən,
Onçün uzaq et bizləri nəfs ilə tamahdan...

Gizlətmək üçün dərdimi simamda gülüş var,
Tək sən agahsan İlahi, qəlbimdəki ahdan...

*Təşəkkürlər..! Oxuyan gözləriniz var olsun...*