Heyif, əbədilik itirdim səni,
Sənsiz bu həyatda tənhayam yəni.
Daha buralarda tutan yox məni,
Onunçün gedirəm, çıxıb gedirəm.

Dünya zərbə vurdu hey mənə qəsdən,
Mən nə etdim axı o oldu düşmən?
Hər yanda gözümə sən görünürsən,
Son dəfə hər yana baxıb gedirəm.

Odu qarşıdadır hələ həsrətin,
Yeri görsənəcək bu məhəbbətin,
Sənli günlərimi unutmaq çətin,
Qəlbimi yandırıb-yaxıb gedirəm.

Bir ömrümə eşq dolmayacaqdır,
Qəlbim daha xoşbəxt olmayacaqdır.
Qorxma, xatirəm də qalmayacaqdır,
Nəyim var, hər şeyi yığıb gedirəm...

*Təşəkkür edirəm..! Oxuyan gözləriniz var olsun..!*