Sevgilim, eşq olmasa, varlıq bütün əfsanədir,
Eşqidən məhrum olan, insanliğa biganədir.

Eşqdir yalnız, məhəbbətdir həyatın gövhərı,
Bir könül ki eşqin zövqün duymasa, qəmxandir.

Mən əsiri eşqiyəm öz xəlqimin, öz yurdumun,
Sevməyən öz xəlqini, öz yurdunu divanədir.

Gör vətənimizdə nələr var, başqa bir aləmdəyik,
Hər çiçək bir nazənin, hər qönçə bir cananədir.

Qoy vətən daimi işıqlansın gözəl bir şəmi tək,
Könlüm o şəmin ziyasın seyr edən pərvanədir.

Gül üzlü rəna, gözəllərdi baxırsan hər yana,
Ölkəmiz indi bəs bir bir cənnət deyil, əyanədir.

Vahidəm mən, sevgilim, məndən xəyanət görməsən,
Şairəm, eşqim də öz qəlbim kimi mərdanədir.




Eliaga Vahid