Susub bu gecə də susub ağrılar
Ruhunun səsinə ehtiyacım var
Susub göz yaşlarım,dinməyir dodaq
İsti nəfəsinə ehtiyacım var

Uzanır əllərim sonsuz boşluğa
Ümüdlər səmada axtarır səni
əlimi tutana ehtiyacim varr
Öz soyuq əllərim dondurur məni

Nə qədər yastıqla dərdləşmək olar?
Bu ürək sevilmək istəyir axı
Mənə sarılana ehtiyacim var
Divarlar sarıla bilməyir axı...!

Kimsəsiz xəyallar ovudur məni
Nəbzimin səsini duyuram artıq
Səssizlik ruhuma danışır səni
Deyəsən mən dəli oluram artıq

"Düşüncən böyükdü" deyirlər mənə
Şeirlər yazsam da uşağam hələ
Mənim də qayğıya ehtiyacım var
Mən o istiliyə mötacam hələ