Dedin ki, bir daha görüşə gəlmə,
Gözümdə bu həyat heç oldu o gün!
Dedin ki, dərdini mənimlə bölmə,
Bütün arzularım puç oldu o gün!
Dedin ki, yolumu gözləmə daha,
Söylədin, batırsan nahaq günaha.
Doğrudan da, batdın o gün günaha,
Qara həriflərlə yazıldı o gün!
Dedin ki, mən yoxam səninçün daha,
Qəlbində yurd salıb nifrət, kin daha.
Dedin ki, olmaram mən sənin daha,
Ömrümdən bir ömür pozuldu o gün!
Dedin, məktublar da yazma sən daha,
Qırdın ümidimi gələn sabaha.
Səni and verirəm gülüm.., Allaha,
Durum yollarında, yaxına gəlim,
Barı icazə ver yuxuna gəlim!
Ə.Əslisaf.