Sanma ki, qəlbimdə eşq odu sönüb,
Sadəcə taleyim tərsinə dönüb.
Mən səni ömürlük qəlbimə gömüb,
Adını, qanımla bükmüşəm gülüm,
Səni, ürəyimə əkmişəm gülüm.

Tale aramızda sərt səddlər çəkib,
Yolumuz üstündə tikanlar əkib.
O qədər, yollara gözümü dikib,
Gizlicə göz yaşı tökmüşəm gülüm.
Səni, ürəyimə əkmişəm gülüm.

Həsrətin qəlbimi yandırıb yaxıb,
Gözümdən gizlicə çox yaşlar axıb.
Sən yoxkən gizlicə rəsminə baxıb,
Öpüb gözlərimə çəkmişəm gülüm.
Səni, ürəyimə əkmişəm gülüm.

Mən səni sevmədim alçaltmaq üçün,
Sevgi yaranmayıb ağlatmaq üçün.
Səni ürəyimdə yaşatmaq üçün,
Qəlbimdə bir qala tikmişəm gülüm,
Səni, ürəyimə əkmişəm gülüm.