Bilirdim,ayrılsaq beş-on gün sonra
Badələr qaldırıb, tost tutasıydın.
Dəyişib yolunun səmtini bir gün,
Şeytanın yoluna rast tutasıydın...

Al-əlvan çiçəklər solmamış kimi,
Buludlar boşalıb, dolmamış kimi,
Bütün yaşananlar olmamış kimi,
Kiminsə qəlbində post tutasıydın.Al-əlvan çiçəklər solmamış kimi,
Buludlar boşalıb, dolmamış kimi,
Bütün yaşananlar olmamış kimi,
Kiminsə qəlbində post tutasıydın.

Bilirdim,sonudu bu yolun başı,
Bilirdim, tükənməz kəsəyi, daşı,
Sən məni özünə nə yol yoldaşı,
Nə də ki, vəfalı dost tutasıydın.

Zaman ötüşsəydi, yetsəydi vədə,
Yolunda can qoyub, ölsəydimsə də,
Nə məndən ötəri ağlayıb, nə də...
Qaraya bürünüb yas tutasıydın...!

Hərdən soyuğuna, istinə düşsəm,
Alışıb yanarkən tüstünə düşsəm,
Gözümdən bir gilə üstünə düşsə,
Elə yerindəcə pas tutasıydın!