Gecə keçər, gələr dan,
Nura boyanar hər yan.
Əhdə vəfadar olan,
Darıxsam gələrsənmi?
.
Yolunda qaya kimi,
Yetdiyin haya kimi,
Bükdüyün saya kimi
Duruxsam gələrsənmi?
.
Çıxdın, getdin ömrümü,
Yıxdın, getdin ömrümü.
Yetim uşaqlar kimi
Soluxsam gələrsənmi?
.
Ölü qalxmaz qəbirdən,
Təsəlli yox səbrdən.
Sağalmaz dərdə birdən
Yoluxsam gələrsənmi?
.
Dərd gətirər yaş kimi,
Ağır olmaz daş kimi.
Gözlərində yaş kimi
Doluxsam gələrsənmi?