.
Bura başqa yerdi, ay Allah qulu,
Buranın havası ciyərə getməz.
Səsinin tonunu aşağı elə,
Burda heç Allah da səni eşitməz.
.
Çığıra-çığıra ortada qalıb
Əlini göylərdən asa bilərsən.
Burda bir quranlıq söhbət eləyib,
Burda bir dualıq susa bilərsən.
.
Deyirəm, bu gündən bəlkə susasan?
Susmaq deyirlər ki qızıldır, lələ.
Ya da susmağını sabaha saxla,
Qızılın qiyməti qalxmayıb hələ.
.
Bura başqa yerdi, ay Allah qulu,
Buranın havası ciyərə getməz.
Səsinin tonunu aşağı elə,
Burda heç Allah da səni eşitməz..