Bu eşqi qəlbində gizlətməliydin,
Kiminsə ahını götürmüsənsə.
Qəlbini eşq üçün sızlatmalıydın,
Nəfsinə sevilmək gətirmisənsə..
.

Üzünə taxdığın eşq qəmi nədir?
Ahu gözlərinin o nəmi nədir?
Axan göz yaşının önəmi nədir?
Dilində yalanlar bitirmisənsə...

Eşqi kassetlərdə,valda axtarma,
Sağı soraq edib,solda axtarma,
Küçədə axtarma,yolda axtarma,
Ovcunun içində itirmisənsə...