El-oba unutmasın Talıstanı, Elmiri, Muradı və Nofəli, Babəklə, Şəmsini və Cəsur Ələddini. Qarabağ döyüşündə canlarından keçdilər igid və mərd oğullar, daim yadda qalarlar. Borsunlu Şəhidləri

Nə qədər yad edərsək təsəllidir onlara, biz bunu həsr etmişik qəhrəman oğullara, Qarabağ döyüşündə döyüşərək öldülər, dəyərli canlarını vətən üçün verdilər. Borsunlu Şəhidləri

Qarabağı itirdik, bir gün gələr alınar, aylar-illər ötdükcə daim yada salınar zərbə vurub düşmənə şəhidliklə öldülər. Ana, vətən deyərək canlarını verdilər. Borsunlu Şəhidləri

Bütün dərə təpələr şəhid qanına boyandı, oxuyan bülbüllərin o an səsi dayandı, neçə-neçə ananın bağrı qana boyandı, düşmənə diz çökməyib igidlik göstərdilər şəhidlik zirvəsinə beləcə yüksəldilər. Borsunlu Şəhidləri

Bu Tərtərli şəhidlər, yaddaşlarda qalacaq. Bütün gələcək nəsil bundan ilham alacaq, bu vətənin uğruna döyüşə yollanacaq, onlara ibrət olub daim xatırlanacaq. Borsunlu Şəhidləri

Bu kəndin, bu millətin fəxrisiniz hər zaman, şəhidlik zirvəsində çoxdu sizə tay olan. Azad bu gün ruhunu yad eylədi onların düşmənə baş əyməyib, igid kimi öldülər. Borsunlu Şəhidləri