Mənə bir yalan danış,
Inan ki,inanacam.
Yenə de ki,sevirsən
Yenə də aldanacam.

Mənə bir yalan danış,
Bir yuduma,içimə de.
Bir damcı da utanma,
Gözümün içinə de.

Mənə bir yalan danış,
Rəngi "ağappaq"olsun.
Yeddi qatımdan keçib,
Dərdimə ortaq olsun.

Mənə bir yalan
danış,
Ayaq tutub yerisin.
Qəlbimdəki buz dağı,
Az da olsa ərisin...

Mənə bir yalan danış,
Min dənə düzə dəysin.
Bir ömürlük "susmağa"
Söhbətə,sözə dəysin.

Mənə bir yalan danış,
Alım onu qoynuma.
Savabı sənin olsun,
Günah mənim boynuma.

Mənə bir yalan danış,
Inan ki,inanacam.
Yenə de ki,sevirsən,
Yenə də aldanacam...