Mən hədsiz qürurlu, sənsə inadkar.
Hər şey bitmiş idi,susduğumuz an.
Ayrıldı yolumuz göz qırpımında
Sözümüz keçmədi boğazımızdan.

Qədrini bilmədik o səadətin,
Həyat nə verdisə ,alıb-itirdik.
Yerini-yurdunu dəqiq bilirəm,
Eşqi gözümüzdən salıb ,itirdik.

Hələ də hiss edir, hələ duyuram,
Arxamca səpdiyin o ahları da.
Təkcə bu gün deyil,dünənlər deyil
İtirdik ümidli sabahları da.
Qarğışın qapımda keşikçi durub,
Heç mən də bəxtiyar deyiləm daha.
Mən belə gəlmişəm,belə gedəcəm.
Çətin ki,haçansa əyiləm daha.

İtirdim gözümdə etibarımı,
Şərtləri pozulmuş bir əhdəm indi,
Mən ki,alqışınla xöşbəxt deyildim,
Niyə qarğışınla bədbəxtəm indi?

Məni qarğışlayıb ,qınamaqdansa,
Bu eşqə sən də yan,ən az mən qədər
Demirəm günahımız yoxdur, olmaylıb
Səndə günahkarsan ,ən az mən qədər.

Bircə yol xatırla,gəz o yolları,
Bəlkə kin-kidurət sovuşar deyə.
Mən hər gün gəzirəm itən illəri
Tale yollarımız qovuşar deyə.