Nə qədər üzünü yana tutsada
Boğub qəhərini gizli udsada
Məni can evimdən tükədən bilir
Sevincim ar edib bir an dursada
Dünyanın qəmləri məni axtarır

Yox, daha ürəkdən keçən arzular
Gör neçə ürəkdən uçub ayrılan,
Bu dəli könlümü seçən arzular
Özünü bu qədər yormasın neynim
Dünyanın qəmləri məni axtarır

Aramsız sakitcə damlayır ömür
Tükənən tarixlər yaddaşa dönür
Mənim də bir aləm dərd payım varmış,
Görür, ürəyimin nəm gözü görür.
Dünyanın qəmləri məni axtarır

Aparma sən məni! burax qoy gedim
İstəyirəmki, sənə bir yaxşılıq edim
Mən boyda dərdini ömründən götür
Sənə hər cümləmin başında dedim
Dünyanın qəmləri məni axtarır

İzn ver sol yanımı uçurum özüm
Qalmasın qeydimə! bu qəddar dözüm
Divanə qəsdinə dursun bir qələm
Onu hər qətrəylə ağlayır sözüm
Dünyanın qəmləri məni axtarır