Hamı deyir səbr elə, necə dözəsən ki, belə? Həyatda sıxır səni, bu aclıq yıxır səni. Kasıbçılıqdır yəni, pulun yoxdu deyəsən, İNDİ KASIB BİRİ SƏN.

Nə evdə çörəyin var, nə qəddar ürəyin var. Kimisə yıxıb, döyəsən, haram çörək yeyəsən; Nə də birisi yoxdu ki bu dərdini deyəsən. İNDİ KASIB BİRİ SƏN.

Kim verər ki, iş sənə? Nə dostun-tanışın var, nə də pullu qohumun. Çoxdan yox kimisən, nə qədər iş gəzəsən? İNDİ KASIB BİRİ SƏN.

O vaxtı çoxu gəlib, sənə "dostum" deyirdi, sənin evində oturub çörəyinnən yeyirdi; "Dosta" da yad biri sən!... İNDİ KASIB BİRİ SƏN.

Ürəyinə qada düşüb, hər şey yaddan çıxıb, kasıbçılıq yada düşüb; Zalım fələk qoymadı, varlı həyat sürəsən. İNDİ KASIB BİRİ SƏN.

Azad səni tanıyır, amma çoxu qınıyır, zaman səni sınıyır; Çox önəmli biri sən, ölməmisən diri sən, İNDİ KASIB BİRİ SƏN.