Bu soyuq küləklər hayandan əsir?
İnsanlar nə deyə bir-birin əzir?
Hamı təlaşdadır, hamı tələsir,
Sonuncu mənzil ki, çox uzaq deyil?!

Özünə sual ver:-axı niyə, nə?
Olmadı? "Şansını bir daha dənə"
Qanunlar, inanclar, adət-ənənə,
Heç biri əsaslı bir izah deyil!

Bütün acıların qisası-ölüm!
"Böyük səbrlərin"kasası-ölüm!
Ən uzun yolların kəsəsi -ölüm-
Hamıya qurulmuş bir tuzaq deyil?

Mən hazır! İstəyən dərimi soysun!
İstəyən qınasın, istəyən söysün!
Qoy, sözüm hamının xətrinə dəysin!
Heç kim bu dünyada "üzü ağ" deyil!
Müəllif:Xəlil Adıgözəl