Çıxıb getmə məni mənlə,
Tək buraxma apar məni!
Dünyamıza gedək sənlə,
Bu dünyadan apar məni!

Sən ol külək, mən dənizin
Dalğalardan soruş məni!
Lap almadan məndən izin,
Bu dünyadan apar məni!

İçimdəki coşan dəniz,
Nəğmələrlə süzür səni.
Cavablarım yenə aciz,
Tut əlimdən apar məni!

Tut əlimdən daha yetər!
Qaçaq sənlə, apar məni!
Bu yerlər ölümdən betər,
Bu dünyadan apar məni!

Buludlar qaralmış yenə,
Yağ yağışım! İslat məni!
Bircə kəlmə demə nəsə,
Bu dünyadan apar məni!

İncimirəm bir sözündən,
Nağıllara apar məni!
Cənnət olsun ,ya cəhənnəm
Təki burdan apar məni,
Bu dünyadan apar məni!