Bu gecə qopacaq sanki qiyamət,
Elə bil dünyanın sonu gələcək.
Xəyalım kəfəndi,ümidim tabut,
Hardasa üzümə ölüm güləcək.

Bu gecə ərşəmi ucalıb ahım,
Matəm libasını geyinib göylər?
Bu gecə tənhalıq qəlbimə hakim
Sıxır ürəyimi,axır soyuq tər...

Bu gecə çəkdiyim bu qəm,bu kədər,
Sonu görünməyən qaranlıq qədər.
Bu gecə həsrətin yaman qorxulu,
Sanki son qoyacaq hər şeyə qədər.

Buludlar göz yaşın sel kimi tökür,
İldırım göylərin bağrını dəlir.
Bu gecə mənim tək həsrətmi çəkir,
Sənsizlik nə demək, o hardan bilir?..