Unutma, mən səni unutmamışam…
Yurd salıb getmisən ürəyimdə sən.
Qəlbimi kimləsə ovutmamışam,
çünki həmişəlik ürəyimdəsən.

Unutma, mən səni sevirəm hələ,
Bu sevgi azalmır, artır günbəgün.
Qayıdıb bir daha dönməsən belə,
Ruhum qovuşacaq ruhuna bir gün.
Sən – yağış ətirli, Günəş nəfəsli,
Qəlbimdə ötəri naxış deyilsən…
Sən – mənim ömrümün Beşinci fəsli,
Nə bahar deyilsən, nə qış deyilsən...