Gözəlim eyləyib eşqin yenə divanə məni
Nə olar qoyma bu hicran ilə təktanə məni
Səni günlərnən əyər görməsəm halım dəyişər
Gül üzün nur çiləməynən gətirir canə məni
Hesab et mən quru səhradakı Məcnun kimiyəm
Amma zənn eyləmə sən eşqidə divanə məni
Ola bilsinki məni eşqidə namərd sayasan
Çoxu ancaq tanıyır əhdinə mərdanə məni
Adı……özü ancaqki mələkdəndə gözəl
Səni təsvir edə fikrim çəkə pünhanə məni
Hərkəsin qisməti alnında yazmış deyilir
Sənin üçün gətirib Xaliqi dövranə məni