Sən həsrət adının birinci hərfi,
Mən sənin adının özü olmuşam.
Sən mənə bir ürək adlı həqiqət,
Mən sənə bir yalan borclu qalmışam.
Sən bir başqasına nəfəs olarkən,
Mən səni içimə elə çəkmişəm,
Sən öz hisslərinə şübhə edərkən,
Mən sənə bir an da şək etməmişəm.
Sən başqa həyatda yer axtararkən,
Mən sənə xəyaldan bir ev tikmişəm.
Səni öyrənməyə çabalayarkən,
Bəlkə də özümü dərk etməmişəm.
Sən mənə mən qədər uzaqsan, uzaq,
Mən heç öz içimi anlamamışam.
Gözümdən əksilən hər damla qədər
Qəlbimdə səninçün yer ayırmışam.
Sən mənə bir kərə yaxın durmadın,
Mənsə sən olmadan heç yatmamışam.
Sənin bilmədiyin xəyallarımda
Mən çoxdan səninlə ailə qurmuşam.
Səni nəfəsimdə gizlətsəm belə
Mən onu deməkdən elə qorxmuşam,
Sənin sındırdığın, köhnə nömrənə
"Mən"i məktublarla sıralamışam