Məni hara belə yola salırsan,
Gec gəlib, tez gedən qonaqlar kimi.
Barı yaddaşının küncündə saxla,
Məktəbə gecikmiş uşaqlar kimi.

Yanında qalmağa gücüm olaydı,
Yolları bağrından nə sökərdim mən!
Gərək uşaqlıqda rəssam olaydım,
İndi ürəyinə dağ çəkərdim mən!

Yox, nəsə ovutmur darıxmağımı,
Heç bir şey boşluğun yerin almayıb.
Elə bil nəyisə itirmişəm mən,
Bağışla, ürəyim səndə qalmayıb?!