Çox erkən oyandım,yenə bu səhər.
Ayrılmağımızdan,düz bir il keçir...
Gözümün önündən o xatirələr,
Bir kino lentitək,elə bil keçir ...

O gündən bu günə,heç nə dəyişmir.
Desək de dəyişən,zamandır əgər.
Bəs niyə ad günün yadıma düşmür,
Bu günki gün qədər,ayrılıq qədər?

Sənə bu tarixin,nə önəmi var?
Bu günün,adı gün olacaq sənin...
O qədər maraqlı il dönümü var,
Bu günmü yadında qalacaq sənin?!

Mən isə ilk görüş yerini gəzib,
Bir məclis quracam,bu səhər sözsüz.
Bir badə gözümün yaşından süzüb,
İçəcəm ürəklə durub üzbəüz...

Sənin ürəyin də,daş olub artıq.
Yoxsa tost deyərdim adına bu gün.
"Bunu da içirəm özü burda yox,
Ürəyi menimle olanlar üçün".