Indi bu sözlərim səninçün heçdir
Dərk edə bilməzsən orda mənanı.
Bir də görərsən ki vaxt ötüb, gecdir,
Keçib öz yolunu ömür karvanı.

Unutma, hər nəyn bir axırı var,
Şirin görüşlər də əbədi deyil.
Gün gələr, onlar da könlünü yorar,
Bir də görərsən ki ötüb neçə il.

Sən isə həyatda yalqız qalmısan,
Onda bu sözlərinqədrin bilərsən.
Nəy uduzmusan, nə qazanmısan,
Elə hey özünə sual verərsən.

Ürəyin göynəyər bir sirdaş üçün,
Səninçün bir olar bahar da, qış da .
Səni darıxdırar,üşüdər hər gün
Başını qoyduğun o tək balış da .

Heç nəyə baxmayır insafsız zaman,
Alar veridyini geriyə həyat.
Mənin sözlərimi xatırlayarsan,
Amma çox gec olar qorxuram o vaxt...