Vəfa edən yoxdur əhdə-peymana,
Ancaq dildə iman qalıb Qur'ana,
Qeyri müsəlmanlar hələ bir yana,
Çox müsəlman vardır İslamı qanmır,
Çün qəflətdədir heç nəylə oyanmır.

Yazmalıyam Xudadan imkan gəlib,
Yazdıqlarım dərdimə dərman gəlib,
İlahi, gör nə cürə dövran gəlib,
Arvad ərə, ər arvada inanmır,
Qəflətdədir millət hələ oyanmır.

Silah səsi durmayır Qarabağda,
Eyni ilə Fələstində, İraqda,
Hüseynin ruhu da dərddə-fəraqda,
İslam əhlinə zülm hələ dayanmır,
Qəflətdədir müsəlmanlar oyanmır.

Avropa dərdlərə “əncam” eyləyir,
Millət həftədə bir bayram eyləyir,
Qadınlar özlərin reklam eyləyir,
Zərrə həya etmir,zərrə utanmır,
Dərd odur ərində qeyrət oyanmır.