Bəs necə oldu ki, unutdun məni ?

Ayrılıq könlümü yaxar deyirdin,
Göz yaşım sel olub axar deyirdin,
Həsrətin evimi yıxar deyirdin,
Bəs necə oldu ki, unutdun məni ?

Çiçəkli baharın həm qışın idim,
Bu ömür yolunda tay -tuşun idim,
Eşqinin ilkiydim , sirdaşın idim,
Bəs necə oldu ki, unutdun məni ?

əlimi əlindən üzməzdin axı,
Dolanıb kənarda gəzməzdin axı,
Sən məni sevməkdən bezməzdin axı,
Bəs necə oldu ki, unutdun məni ?

Müəllif: Mücirəddin Mübarizoğlu