Mənimtək həyatdan sən də bezərdin,
Nələr çəkdiyimi bilsəydin əgər.
Ürəyim atardı daşını dərdin,
Axan göz yaşımı silsəydin əgər.

Bir zaman hüsnünə heyran heyran olardım,
Coşan, çağlayan bir ümman olardım,
Hər bir addımına qurban olardım,
Bir anlıq yanıma gəlsəydin əgər.

Yadıma düşəndə o günləp hərdən,
Ayrıla bilmirəm xatirələrdən.
Bir dastan qoşardım qüssə-kədərdən,
Dərdini mənimlə bölsəydin əgər.

Kədər - sağda-solda, qəm-qüssə - öndə,
Əlacsız qalıbdır yazıq bir bəndə.
Bu nədir bilərdin, mənimtək gündə
Min kərə dirilib-ölsəydin əgər..!

**Təşəkkür edirəm. Oxuyan gözləriniz var olsun İnşAllah..!**