Çəkilərək bir qırağa tənha, tək,
Xısın-xısın ağlamaqdan bezmişəm.
Qoca dünya hər verəndə kədəri,
Ürəyimi dağlamaqdan bezmişəm.

İstəmirəm, heç kim yaxın gəlməsin,
Qəlbimdəki sevgi dağın bilməsin.
Əbədilik çıxıb gedən bir kəsin,
Xatirəsin saxlamaqdan bezmişəm.

Dünya mənə bir zindandır, qəfəsdir,
Ulu Tanrım, Əcəlimi tələsdir.
Xoşbəxtliyə can atmağım əbəsdir,
Ümman kimi çağlamaqdan bezmişəm.

Mümkün deyil qismətimdən qaçmağım,
Xoşbəxt olub günəş kimi saçmağım,
Boş yerədir eşq kitabın açmağım,
Onu açıb-bağlamaqdan bezmişəm...

**Təşəkkür edirəm. Oxuyan gözləriniz var olsun..!**