Gedim evdəkinə bir şeir yazım...
********
Mən nəyi sayıram, sayan nə sayır?!
Nə qədər sadəlöv, avam olmuşam...
Mən səni sevəndə "dəli bir şair",
Onu istəyəndə adam olmuşam.
Gedim evdəkinə bir şeir yazım...
***********
Nə olsun üzünü qaraldıb bu kənd...
Nə olsun əlləri qabar-qabardı.
Bütün gözəlliyin xərcləyib bizə..
Onun da çox gözəl vaxtları vardı...
Gedim evdəkinə bir şeir yazım...
**********
Sən mənim dəlimsən, o mənim sonam,
Əzmişəm,"döymüşəm", gör nəyi udub?
Min əzab vermişəm bəlkə də ona,
Mən onu atanda o, məni tutub...
Gedim evdəkinə bir şeir yazım...
***********
Kimə boylanıram...qan-qan deyirsən..
Fit çalır ömrümün qatarı hər gün.
Sən mənə uzağdan can-can deyirsən,
O, məni evimə qaytarır hər gün...
Gedim evdəkinə bir şeir yazım..
**********
İncimə sözümnən daha...gözəlim,
Axı istəməyə nə verirlər ki.?!
Sənin öz evin var, mənim öz evim
Sən də evdəkisən....mən də evdəki...
Gedim evdəkinə bir şeir yazım...
(ardı var)
Müəllif:Sakit İlkin