.........Limana Dondu........

Bir ümid istədim göz yaşı verdin,
Axdı gözlərimdən ümmana döndü.
Düşdüm izlərinə yollar boyunca,
Hər arzu, hər ümid gümana döndü!

Qovuşa bilmədim ilk baharıma,
Daha xatirən də gəlməz karıma,
Günəş doğmadı ki, sabahlarıma,
Sənsiz küsdü məndən, yamana döndü!

Bizsiz də yanacaq ürəklərimiz,
Çoxalar dərdimiz, artar sərimiz,
Bir zaman bizim düz bildiklərimiz,
Səndən sonra niyə yalana döndü?!

Əllərim çatmadı səadətimə,
Tuta bilmədim ki, dumana döndü.
Dalğalar güc gəldi məhəbbətimə,
Sevgim yarıyoldan limana döndü!

.............Bileydim..............

Tutulub qalaydım baxışlarında,
Şirin xəyallara bata biləydim.
Kaş ki, əllərindən tutduğum zaman,
Əlimlə zamanı tuta biləydim!

Həsrətin yamanca qorxudur məni,
Bu fikri başımdan ata biləydim.
Bir ömür səninlə bərabər olub,
Ömrümü ömrünə qata biləydim!

Qollarında açılaydı sabahım,
Kaş ki, istəyimə çata biləydim.
Kaş indi yanımda olaydın mənim,
Səni qucaqlayıb yata biləydim...

..........DeRDimÌn DeRDÌ............

İlahi, ömürlük həsrətə düşdüm,
Zamanmı dəyişdi, mənmi dəyişdim?
Sevdiyim başqadır, sevənim başqa,
Mən belə yaşamaq istəməmişdim..

Dərdimə bir əlac edə bilmirəm,
Təsəlli axtarım nədə bilmirəm,
İlahi, ayrılıq yolumu kəsdi,
Səadət çağırır gedə bilmirəm.

Canım dediklərim canımı aldı,
Aylarım, illərim gözümə doldu,
Mənə mənim qədər yaxın idi, o,
İndi zirvələşib əlçatmaz oldu...

Həsrətdən sızlayan bir şairəm mən,
Hər bir nəfəsimdə ah çəkirəm mən,
Bəlkə də, hər zaman tələsdiyimçün,
Taleyə, qismətə gecikirəm mən.

Dərdimin dərdi də üzür dərdimi,
Yolumun üstünə düzür dərdimi,
Dərdsizlər əl açıb dilənsəydilər,
Ömürlük verərdim nəzir dərdimi...