Tənhasan, adamlar içində dostum, Sevincin, şadlığın, gülüşün başqa. İçində bir qərib ağlayır dostum, Sən özün özündə başqasan, başqa. İnciyib duyğular, küsüb xəyallar, Yorulub gözündə bitmez xeyallar, Suala çevrilib olan inamlar, Gözlərə baxışın başqadır, başqa. Oturub keçmişi vərəqləyirsen, Kədərli nəğmədən qəhərlənirsən, Sən saf məhəbbətin həsrətindəsən, Qəmlərə batmağın başqadır, başqa. Uzanıb ruhuna dərin bir yuxu, Gündüzlər bir yuxu, gecələr yuxu, Ömrünün hər anı yozulmaz yuxu, Həyat gözlərində başqadır...başqa. Bacara bilmirsən daha sevməyi, Daşıya bilmirsən sevda çəkməyi, Toxunub cisminə hicran ilməyi, Könlündə inancın başqadır, başqa. Elə bir tənhasan, elə bir tənha, Aləmin, gülzarın, cahanın tənha, Sanki qocalmısan, gümanın tənha, Olmağın başqadır, yoxluğun başqa. Ölməyin başqadır, qalmağın başqa.