Ata hesretile yanır üreyim,
Atadır her arzum, istek, dileyim,
Vefasız heyatda birce kömeyim,
Onsuz, ele bil ki, zaman dayanır,
Ata nesiheti könlüm axtarır.

Evin yetim qalıb, ocağın başsız,
Qoydun, getdin bizi, vaxtsız, zamansız,
Qalmışıq tek-tenha, gücsüz, elacsız,
Heyatda yoxluğun ürek dağlayır,
Ata nesiheti könlüm axtarır.

Doymayıb bizlerden nigaran getdin,
Qohumlar yolunda canını verdin,
Hamıya el tutub, yaxşılıq etdin,
Etdiyin yaxşılıq bize qayıdır,
Ata nesiheti könlüm axtarır.

Sen mene hem ata, hem dost olmusan,
Arxamda çeper tek daim durmusan,
Bizi ömür boyu sen qorumusan,
Mehz dayaq olmağın meni saxlayır,
Ata nesiheti könlüm axtarır.

"Bir vaxt deyeceksiz..." - bize söylerdin.
"Bele atam vardı..." - tez-tez deyerdin,
Bu zaman kövrelib, üzde gülerdin,
Qelbim o gülüşçün nece darıxır!
Ata nesiheti könlüm axtarır.

Ey atam, rahat get, qalma nigaran,
Fexr et övladlarınla, sevin, qürurlan,
Yaddaşlarda qalan, ey müdrik insan!
Senintek insanlar daim yaşayır,
Ata nesiheti könlüm axtarır.