Şıdırğı yağış yağır .....
******
Bir dəli həsrətəm...indi..ay Allah..
Şıdırğı yağışlar yuyacaq məni...
Qərib görkəmində tənha ağaclar,
İlahi baxışlar duyacaq məni...
*****
Çıxıb gedəcəyəm...Allahın altda...
Kimsə saxlamağa söz deməyəcək.
Ürəyi yananım mənə yanmadı,
Bir kimsə yolumu gözləməyəcək...
******
Bir dəli həsrətəm..bu yaz axşamı...
Bu yaz axşamında mən dəli...yazıq.
Mən yazıq dəlinin yiyəsi yoxmu?!
Qəm məndə dustaqdı...qəm...dəli..yazıq..
*****
Bənövşə boynunu bükük..gizlənib..
Ağıllı quzular azıbdı..vallah.
Bu boyda həsrətin..dərdin içində...
Dəli olmayanlar yazıqdı..Vallah..
*******
Çıxıb gedəcəyəm günün birində
Mənim yoxluğuma alışacaqsan...
Sonra da bir şirin nağıl yerinə...
Bu dəli həsrətdən danışacaqsan...
Müəllif:Sakit İlkin