" XOŞBƏXTLİK HƏSRƏTİN KÖLGƏSİNDƏDİR.." (YENİ)

İnsan qəribədir,eşqə məzardır,
Sevəndə dəyişər arzu istəyi.
Xatırlamaq üçün yaddaşı vardır,
Amma unutmaqçün yoxdur heç nəyi.

Sevərsən gül kimi zamanla solar,
Görərsən sevdiyin qəlbinə dəymiş.
Sevib xəta etmək təcrübən olar,
Axırda deyərlər qismət beləymiş.

Qisməti dəyişik düşdü ürəyin,
Taleyin işi də bir az qəlizmiş.
Mənim taleyimi yazan mələyin,
Bəlkə də xətti çox səliqəsizmiş.

Yuxuda qovuşduq dedim çin çıxar,
Gördüm ki sevginin ömrü üç ilmiş.
Darıxan bəhanə tapıb darıxar,
Qovuşmaq həsrətin sonu deyilmiş.

Uzun illər keçir, rollar dəyişmir,
Ayrılıq sevginin səhnəsindədir.
Acı çəkməyənə xoşbəxtlik düşmür,
Xoşbəxtlik həsrətin kölgəsindədir..

imza: NİZAMİ FÜZULİOĞLU