Sene mektub yazıram,
Yazıram ki,
Bağışla...
Burda hava pis keçir,
Ara vermir yağışlar.

Tek yatıb, tek durmaqdan
Bezdirmişem otağı.
Bilirsen...
pinti olur
Yalqızların yatağı.

Yalqızlar az yuyunur,
Gelir yalqızlardan iy.
Çayları soyuq olur,
Yemekleri alaçiy.

Çirkli ayaqqabılar...
Dibi yanmış qazança...
Bir qırıq da ümid var;
...qayıdacaq haçansa...

Yalqız sabaha baxmır,
Arzulayır keçmişi.
Çox misgin menzeredir
Ev yığışdıran kişi.

Hele bunun geceler
içib ağlamağı var,
saçin daramamağı,
saqqal saxlamağı var.

Derd ağır, hava da pis,
Ara vermir yağışlar.
Sene mektub yazıram,
Yazıram ki,
Bağışla...