Artıq az qalmışdı qaranlıq düşə. Yolları görməyə göz işləmirdi. Ya sən gecikmişdin o gün görüşə. Ya mənim saatım düz işləmirdi. Bir halda varlığım sənə qəm olub. Kimə istəyirsən həyat ol indi. Gedirəm ömründən cəhənnəm olub. Dərindən nəfəs al, rahat ol indi... Görəsən, yolumu hardan salım ki? Yolların dumana çənə düşməsin. Bilmirəm, bu ömrü necə bölüm ki. Ayrılıq tərəfi sənə düşməsin... Yandır bu tilsimi, qır bu tilsimi. Düşünmə əlində çıraq olacam. Bəlkə də, yanından ayrılan kimi. Kiminsə ömründə qonaq olacam... Getdiyin hər cıgır, getdiyin hər yolm Ayağın altından sürüşecekdir. . . . Əlvida demirəm, sənə yaxşı yol, Öləndə ruhumuz görüşəcekdir.