Xəlqin imanını gər məkrilə şeytan aparır,
O pəriçöhrə nədəndir ki, bəs iman aparır?

Ey kaman qaşlı, məni yarəldi qəmzən oxu,
Zülfünü bas yarama, qoyma, məni qan aparır.

Dil çəkər canı səri-kuyinə zibh etmək üçün,
Sanki hücac Mina dağına qurban aparır.

Zahid ol zülfidə rüxsarını gördükdə dedi,
Bu o hindü beçədir, məktəbə Quran aparır.

Geyməyə kimsə ki, meydani-məhəbbətdə kəfən,
Onu məşuqi-əzəl məşərə üryan aparır.

Çəkməyin Seyyidi-laməzhəbi meyxanə sarı,
Kafəri kəbə ora hansı müsəlman aparır.