Hamının çörəyi yalandan çıxır,
Boğazlar yalandan asılıb daha;
Dünyada bir təmiz nəfəs qalmayıb,
Dünyanın nəfəsi kəsilir daha.
Dünyada nəfəsim kəsilir, Allah,
Bu yalan nəfəsi ala bilmirəm.
Boğazdan yuxarı - yalndı dünya,
Daha bu dünayda qala bilmirəm.
Dünyada bir təmiz nəfəs qalmayıb,
Yalan üzə durub öz havasıynan;
Dünyanın nəfəsi kəsilir, Allah,
İndi mən dünyanın son nəfəsiyəm.
Boğazdan yuxarı - yalandı dünya,
Boğazlar yalandan asılıb indi...
Allah, mən dünyanın son nəfəsiyəm,
Ay Allah, haradasan, son nəfəsimdi!