Qəfəsdə oturub ölüm əmrimi
Verdiyin saatı mən gözləyirəm
Allahın hökmüylə yaranmışamsa
Mənim fərmanımı niyə verirsən?

Axı ana adı böyük, müqəddəs
Evlad ölümünə qərar verərmi?
Sən necə anasan? Bir ana da bəs?
Bala qatilinə hec çevrilərmi?

Məni cansız bilib lazımsız bilib
Baci- qardaşımdan sən ayırırsan.
Ay ana, bətnində olsam da hələ
Sən mənim əzizim, mənim canımsan.

Kəsmə nəfəsimi, qurbanın olum
İzn ver həyata mən də doğulum.
Laylanı eşidim nəfəsin duyum
Gecələr qoynunda rahat uyuyum….

Kiçik ürəyimin çırpıntısını
Yəni hiss etmirsən? Bu nədir ana?
Indi kəsiləcək əlim ayağim
Bəlkə xətt çəkəsən öz qərarina?

Dönmədin fikrindən ! qərarın qəti!
Həkimin aləti…. mənim dəhşətim….
Kəsilir bədənim, tutulur dilim….
Gözlərin qapanır doğranır qəlbim……

Mən sənin bətnində olsam da belə
Hər zaman səninlə söhbət edərdim
Sənin gözlərinlə hamını görüb
Baci- qardaşımı əzizləyərdim.

Atamın nəfəsin mən duymaq üçün,
Nənəmin səsini eşitmək üçün,
Baba qucağında mən gəzmək üçün ,
Dünyaya necə tez gəlmək istərdim.!

Sənin bu qərarın pozdu hər şeyi
Dünyaya gəlməmiş dünyadan köçdüm.
Məni qarşiladi göylər aləmi
Bir kiçik bir gözəl mələyə döndüm.

Hər kəsin alnına yazılıb ölüm
Bu dünya hər kəsə bir qonaq evi
Vaxt gələr bir zaman haqq dünyada sən
Qalarsan bir küncdə canilər kimi.

Cənnət anaların ayaği altda
boş yerə deməyib bunu atalar
Şikəst övladına verib canını
müqəddəs analar, bəxtsiz analar

sənsə yaşadığın rahat həyatda
bir körpə ömrünə tab gətirmədin.
Cəhənnəm yaratdın ayağın altda
Cənnətin cəfasın cəkə bilmədin.

Keçdim günahından anamsan axi
Bilirsən mən səni necə sevirdim.
Kiçik əllərimi sənə uzatdım…..
Niyə bu körpəndən sən üz çevirdin?!

Yenə də canımsan, qanımsan ana
Mən səni hər zaman özləyəcəyəm.
səni bircə anliq mən görmək üçün
Cənnət qapısında gözləyəcəyəm!