ATAMI İSTEDİM ANAMI GÖRDÜM
müəllif: Sevda Sevgi
↓
Uşaqlıq çağımda büdrəyən zaman,
Atamı istədim, Anamı gördüm.
Çətin günlərimdə ağladım, hər an-
Atamı istədim, Anamı gördüm.
♡♡♡♡♡♡♡♡♡♡♡♡
İncitdi qəlbimi dostum tanışım,
Bilmədim bu dərdlə necə barışım.
Özümü tək sandım, axdı göz yaşım,
Atamı istədim, Anamı gördüm.
♡♡♡♡♡♡♡♡♡♡♡♡
Dedilər atadır övlada dayaq,
Qoruyur övladın cəngavər sayaq.
Gecələr başımın üstündə oyaq,
Atamı istədim, Anamı gördüm.
♡♡♡♡♡♡♡♡♡♡♡♡
Birisi söz ata, birisi söyə,
Uşaqçün çətindir buna dözməyə.
Qəlbimin ağrısın ovutsun deyə,
Atamı istədim, Anamı gördüm.
♡♡♡♡♡♡♡♡♡♡♡♡
Anam daddırmadı atasızlığı
Qoymadı mən çəkim bu ağır dağı.
Ömrümdə parlayan həyat çırağı,
Atamı istədim, Anamı gördüm.
♡♡♡♡♡♡♡♡♡♡♡♡
Hərədən bir töhmət götürdü Anam,
Sınmayıb zamanla ötürdü Anam.
Hər zaman özünü yetirdi Anam,
Atamı istədim, Anamı gördüm.
♡♡♡♡♡♡♡♡♡♡♡♡
Həm Atam, həm Anam oldu anında,
Tükənməz güc gördüm mən bu qadında.
Allahdan hər zaman Ata adında,
Butamı istədim, Anamı gördüm.
Atamı istədim, Anamı gördüm.