Gəl vidaya...............

İtirmişəm sənsiz ağlı

Ölürəm mən gəl vidaya

Əl- ayağım dərdlə bağlı

Ölürəm mən gəl vidaya

Sən gəlməsən bax bu günü

Görəmməzsən bir də məni

And verirəm cana səni

Ölürəm mən gəl vidaya

Çıxsa ahlı bircə naləm

Dağılacaq dünya aləm

Gəlib gör ki necə haləm

Ölürəm mən gəl vidaya

Sənsiz qəlbim solmuş çiçək

Dərd də gəlir ətək-ətək

İnadından gəl sən əl çək

Ölürəm mən gəl vidaya

Demə, Vəli atəşsizdir

O görünməz yanar közdür

Bu gün keçsə, daha gecdir

Ölürəm mən gəl vidaya